టేకులపల్లి, సెప్టెంబర్ 27( జనం సాక్షి): టేకులపల్లి మండల ప్రజాపరిషత్ కార్యాలయంలో తెలంగాణ బతుకమ్మ వేడుకలను మంగళవారం ఘనంగా సంబరాలు జరుపుకున్నారు. మండల ప్రజా పరిషత్ అధ్యక్షురాలు భూక్య రాధ, ఇన్చార్జి ఎంపీడీవో జేఎల్ గాంధీ ఆధ్వర్యంలో ఎంతో వైభవంగా బతుకమ్మ వేడుకలను నిర్వహించారు. టేకులపల్లి మండలంలోని మహిళలు, కోలాట మహిళా బృందాలు, మండలంలోని గ్రామపంచాయతీల మహిళా కార్యదర్శులు ఎంతో ఉత్సాహంగా తీరొక రంగు పూలతో ఎంతో చక్కగా బతుకమ్మలను పేర్చుకొని తీసుకొచ్చారు. బతుకమ్మ కోలాటం ఆటపాటలతో నృత్యాలు చేస్తూ బతుకమ్మ వేడుకలను ఘనంగా జరుపుకున్నారు. ఈ కార్యక్రమంలో మహిళా సర్పంచులు గోలియా తండ గ్రామపంచాయతీ సర్పంచ్ బోడ నిరోష, కోయగూడెం గ్రామపంచాయతీ సర్పంచ్ పూనం ఉమా, ప్రగల్లపాడు ఎంపీటీసీ బానోతు సరోజిని, ఎంపీటీసీలు, సర్పంచులు, ఉపాధి హామీ ఎపిఓ శ్రీనివాస్, ఐకెపి ఎపిఎం నరేష్, ఈజీఎస్, ఐకెపి, ఐసిడిఎస్ సిబ్బంది ,గ్రామస్తులు, మండల ప్రజా పరిషత్ కార్యాలయం సిబ్బంది పాల్గొన్నారు.