టేకులపల్లి, సెప్టెంబర్ 23 (జనం సాక్షి): టేకులపల్లి మండల పరిషత్ ప్రాథమిక పాఠశాలలో శుక్రవారం విద్యార్థినులతో ప్రధానోపాధ్యాయులు బానోతు లక్ష్మ ఆధ్వర్యంలో దసరా సెలవుల నేపథ్యంలో బతుకమ్మ సంబరాలను ఘనంగా నిర్వహించారు. విద్యార్థినిలు వివిధ రకాల పుష్పాలతో బతుకమ్మలను ఎంతో సుందరంగా తీరొక్క పువ్వులను పేర్చి గౌరమ్మకు ప్రత్యేక కన్నుల పండుగగా అట్టహాసంగా ఆటపాటలతో బతుకమ్మ ఆడారు. భారతీయ సంస్కృతి, సంప్రదాయాలను విద్యార్థినులకు అవగాహన కల్పించేందుకు పండుగలను పాఠశాలలో నిర్వహిస్తూ తెలంగాణ సాంస్కృతి, సాంప్రదాయాలను ప్రతిబింబించే సంబరాల్లో విద్యార్థులు, చిన్నారులు ఎంతో ఉత్సాహంగా పాల్గొన్నారు. ప్రధానోపాధ్యాయులు లక్ష్మ మాట్లాడుతూ బతుకమ్మ వేడుకలు విద్యార్థులలో సమైక్యత, పరస్పర సహకారం ,మానవిక విలువలు, వికాసాన్ని పెంచుతాయని అన్నారు.ఈ కార్యక్రమంలో పాఠశాలలో పనిచేసే ఉపాధ్యాయులు భాస్కర్ రావు, రమాదేవి, రవీందర్, పద్మ ,భద్రమ్మ, సుజాత ,లక్ష్మి ,వీరమ్మ, విద్యార్థిని, విద్యార్థులు పాల్గొన్నారు.