టేకులపల్లి, సెప్టెంబర్ 29( జనం సాక్షి): టేకులపల్లి మండల కేంద్రంలోని పాత బస్టాండ్ సెంటర్లో నిర్వహిస్తున్న బతుకమ్మ సంబరాల్లో భాగంగా గురువారం అట్ల బతుకమ్మ సంబరాలు ఘనంగా జరుపుకున్నారు. కెసిఆర్ ముఖ్యమంత్రి బతుకమ్మ చీరలను పంపిణీ చేయడంతో మహిళలందరూ ఒకే రకమైన పంపిణీ చేసిన బతుకమ్మ చీరలను కట్టుకొని తీరొక్క పూలతో అలంకరించుకొని అట్ల బతుకమ్మ సంబరాలు చేసుకుంటూ కళానాట్య బృందం ఎంతో చక్కగా బతుకమ్మ ఆటపాటలతో నృత్యాలు చేసుకుంటూ ఆనందోత్సాహాలతో సందడి చేస్తూ అట్ల బతుకమ్మను సాగనంపారు. అమ్మవారి పూజా కార్యక్రమంలో అట్లు, దోశలు నైవేద్యాలుగా సమర్పించారు. ఈ అట్ల బతుకమ్మ సంబరాల్లో కళానాట్య మండలి బృందం వారు ఆ మెడ రేణుక, బండ్ల రజని, గుండా చంద్రకళ, కేసా పద్మజ, గొట్టుముక్కల సరోజిని, చంద్రగిరి నాగమణి, మామూనూరి అమృత తదితరులతోపాటు మహిళలు భారీగా తరలివచ్చారు.