ఎంగిలి పూల బతుకమ్మ తో జడ్పీ చైర్మన్ కోరం
— బతుకమ్మ సంబరాలు ప్రారంభించిన సీఐ వెంకటేశ్వరరావు

టేకులపల్లి, సెప్టెంబర్ 25( జనం సాక్షి): ప్రతి ఏటా ఘనంగా జరిగే బతుకమ్మ సంబరాలు ఆదివారం టేకులపల్లి మండలంలో ప్రారంభమయ్యాయి. టేకులపల్లి మండల కేంద్రంలో శ్రీ కోదండ రామాలయం ఆవరణంలో అంగరంగ వైభవంగా నిర్వహించే బతుకమ్మ సంబరాల కోసం తొలిరోజున ఎంగిలిపూలతో పేర్చిన బతుకమ్మను భద్రాద్రి కొత్తగూడెం జిల్లా పరిషత్ చైర్మన్ కోరం కనకయ్య బోడు సెంటర్ నుండి ఎత్తుకొని భారీగా బయలుదేరిన మహిళలలు, యువతులు బతుకమ్మలతో ఊరేగింపుగా కోదండ రామాలయానికి చేరుకున్నారు. బతుకమ్మలను భారీ ఎత్తున అక్కడ పేర్చారు. టేకులపల్లి సిఐ ఆన్తోటి వెంకటేశ్వరరావు బతుకమ్మ సంబరాలను ప్రారంభించారు. అనంతరం మహిళలు ,యువతులు బతుకమ్మ ఆట పాటలతో అలరించారు. చూడటానికి చుట్టుప్రక్కల గ్రామాల నుండి జనం భారీగా తరలివచ్చారు. ఈ కార్యక్రమంలో గోలియా తండా గ్రామపంచాయతీ సర్పంచ్ బోడ నిరోషా మంగీలాల్ నాయక్, కోయగూడెం గ్రామపంచాయతీ సర్పంచ్ పూనం ఉమా సురేందర్, టేకులపల్లి, దాస్తండా ఎంపీటీసీలు జాలాది అప్పారావు భూక్య బాలకృష్ణ స్థానిక నాయకులు గుడిపూడి మోహన్ రావు బోడ బాలు నాయక్ తదితరులు పాల్గొన్నారు.