సూర్యాపేట ప్రతినిధి (జనంసాక్షి): జిల్లా పరిధిలో నారీ శక్తి పురస్కారం కోసం అర్హులైన వారి నుండి కేంద్ర  ప్రభుత్యం  దరఖాస్తులను ఆహ్వానిస్తున్నట్లు ఐసీడీయస్ పీడీ జ్యోతి పద్మ శనివారం ఒక  ప్రకటనలో తెలిపారు.భారత ప్రభుత్యం ప్రతి సంవత్సరం అంతర్జాతీయ మహిళా దినోత్సవాన్ని పురస్కరించుకొని సామాజిక, ఆర్దిక, సాధికారత రంగాలలో కృషి చేసిన మహిళలకు నారీ శక్తి అనే జాతీయ అవార్డుతో సత్కరిస్తుందని తెలిపారు. ఈ ఆవార్డు రాబోయే అంతర్జాతీయ మహిళా దినోత్సవం మార్చి 8 , 2023న నిర్యహించి  నారీ శక్తి 2022  ప్రధానం చేయబడుతుందని తెలిపారు.ఈ నారీ శక్తి అవార్డుల కోసం నామినేషన్లను  ఆన్ లైన్ ద్వారా మాత్రమే చేయాలని చెప్పారు.ఆన్ లైన్ పోర్టల్ www.awards.gov.in లాగిన్ చేసి వివరాలను పొందుపరిచి అక్టోబర్ 31, 2022 లోపు దరఖాస్తు చేసుకోవాలని అన్నారు.