సూర్యాపేట టౌన్ (జనంసాక్షి) : జిల్లా కేంద్రంలోని శ్రీరామ్ నగర్ దుర్గామాత సెంటర్ లో దేవి శరన్నవరాత్రి ఉత్సవాలు అత్యంత వైభవోపేతంగా, నేత్రపర్వంగా కొనసాగుతున్నాయని ఉత్సవ సమితి అధ్యక్షులు నాగవెల్లి ప్రభాకర్ తెలిపారు.ఉత్సవాలలో భాగంగా శుక్రవారం అమ్మ వారి సన్నిధిలో సామూహిక కుంకుమార్చన కార్యక్రమంను మహిళా భక్తులు భక్తి శ్రద్ధలతో నిర్వహించారు.ఈ సందర్భంగా ఆయన మాట్లాడుతూ భక్తులందరి సంపూర్ణ సహకారంతో నిర్వహిస్తున్న ఈ తృతీయ వార్షికోత్సవాలలో లలితా పారాయణం , హోమం , భజనలు , హరికథా గానం , ఆధ్యాత్మిక ప్రవచనం , చిన్నారులచే నృత ప్రదర్శనలు మొదలగు ఆధ్యాత్మిక కార్యక్రమాలు నిర్వహిస్తున్నట్లు చెప్పారు.ఈ కార్యక్రమంలో కమిటీ సభ్యులు పర్వతం వెంకటేశ్వర్లు , శ్రీపాది ఉపేందర్, వాంకుడోత్ వీరన్న , రమేష్ , వినోద్ , సైదులు , సుదర్శన్ , వెంకన్న ,జానయ్య , మూర్తి , శ్రీలత , మాధవి , మమత , సువర్ణ , విజయ , కృష్ణవేణి తదితరులు పాల్గొన్నారు.