దోమ అక్టోబర్ 1 (జనం సాక్షి)
వాగు దాటుతూ ఉండగా మూర్ఛ ఫిట్స్ రావడం తో ఒక వ్యక్తి వాగులో పడి మృతి చెందాడు ఈ ఘటన శనివారం జరిగింది. వివరాల్లోకి వెళితే మండల పరిధిలోని దిర్సంపల్లి గ్రామానికి చెందిన మధుసూదన్ గౌడ్ గ్రామ సమీపంలోని వాగు దాటి పొలానికి వెళ్తుండగా మూర్చ రావడంతో నీటిలో పడి పోయాడు. ఈ విషయాన్ని గమనించిన చుట్టుపక్కల రైతులు అతనిని నీటిలో నుంచి బయటకు తీయగా అప్పటికే మృతిచెందాడు. ఘటనపై స్థానికులు పోలీసులకు సమాచారం అందించారు. మృతుని భార్య మమత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ విశ్వజన్ తెలిపారు.