బషీరాబాద్ అక్టోబర్1,(జనం సాక్షి) బషీరాబాద్ మండల కేంద్రంలో శాసనసభ్యులు స్థానిక ఎమ్మెల్యే పైలెట్ రోహిత్ రెడ్డి గారి ఆదేశాల మేరకు బషీరాబాద్ ఐకెపి ఆఫీసు ముందు ఆవరణలో ఘనంగా 35 గ్రామ మహిళా సంఘాలు కలిసి బతుకమ్మ సంబరాలలు ఘనంగా నిర్వహించారు. ఈ కార్యక్రమంలో బతుకమ్మ సంబరాలలో పాల్గొన్న గ్రామ మహిళా సంఘాలకు నగదు బహుమతులు అందజేశారు. మొదట విజయతగా ఎక్మైయి గ్రామ మహిళా సంఘం 2500 రూపాయలు నగదు బహుమతి గెలుచుకున్నారు. రెండోవ బహుమతి ఐ సి డి ఎస్ బషీరాబాద్ 2000 నగదు, ముడో బహుమతి బషీరాబాద్ గ్రామ మహిళా సంఘం 1500 నగదు, నాలుగో బహుమతి ఖాసింపూర్ గ్రామ మహిళా సంఘం 1000 రూపాయలు నగదు, ఐదవ బహుమతి మల్కానగిరి మహిళా సంఘం 500 రూపాయలు ఐదు మందికి బహుమతులు అందజేశారు. అదేవిధంగా బతుకమ్మ సంబరాల్లో పాల్గొన్న మిగతా గ్రామ సంఘాలకు ప్రతి సంఘానికి 200 వందలు నగదు కానుకగా ఇవ్వడం జరిగింది. ఈ కార్యక్రమంలో డిప్యూటీ తాసిల్దార్ వీరేష్ బాబు,ఎంపీపీ కరుణ అజయ్ ప్రసాద్,మార్కెట్ కమిటీ చైర్మన్ కే.రాజారత్నం,మహిళా విభాగం అధ్యక్షురాలు జయమ్మ, పిఎసిఎస్ వైస్ చైర్మన్ అజయ్ ప్రసాద్,ఎం పీ టీ సి రేఖా పవన్ టాగూర్, టీ ఆర్ ఎస్ సీనియర్ నాయకులు నర్సిరెడ్డి (రాజు రెడ్డి), ఏపీఎం పద్మారావు,పిసిలు, తదితరులు పాల్గొన్నారు.