భారత దేశం గర్వించదగ్గ దర్శకులలో సంజయ్‌ లీలా భన్సాలీ ఒకడు. వాస్తవిక కథలను అందంగా, అందరికి అర్థమయ్యేట్టుగా తెరపై చూపించడంలో సంజయ్‌ లీలా భన్సాలీ సిద్ద హస్తుడు. ఈయన సినిమాలలో టేకింగ్‌ గాని, విజువలైజేషన్‌ గాని ప్రేక్షకులకు ఒక కొత్త అనుభూతిని కలిగిస్తాయి. బాలీవుడ్‌లో పిరీయాడిక్‌ చిత్రాలను ఈయన కన్నా బాగా ఎవరు తెరకెక్కించలేరేమో అని అనిపిస్తుంది. ఇక ఇటీవలే
’గంగుబాయి కతియావాడి’తో మంచి విజయాన్ని సాధించాడు. ప్రస్తుతం ఈయన నెట్‌ప్లిక్స్‌ సంస్థ నిర్మిస్తున్న ’హీరమండి’ వెబ్‌ సిరీస్‌ను తెరకెక్కిస్తున్నాడు. ఇప్పటికే విడుదలైన టైటిల్‌ పోస్టర్‌కు ప్రేక్షకుల నుండి విశేష స్పందన వచ్చింది. ఇదిలా ఉంటే ఈయన యువ సామ్రాట్‌ నాగచైతన్యతో చేతులు కలుపనున్నట్లు తెలుస్తుంది. ’లవ్‌స్టోరీ’, ’బంగార్రాజు’ వంటి వరుస హిట్లతో జోరువిూదున్న నాగచైతన్య స్పీడ్‌కు ’థాంక్యూ’ చిత్రం బ్రేక్‌లు వేసింది. భారీ అంచనాలతో జూలై 22న విడుదలైన ఈ చిత్రం ప్రేక్షకులను తీవ్రంగా నిరాశపరిచింది. దాంతో బాక్సాఫీస్‌ దగ్గర ఫేయిల్యూర్‌గా మిగిలింది. ఇదిలా ఉంటే తాజాగా చైతన్య, సంజయ్‌ భన్సాలీని కలిశాడట. వీరిద్దరి కలియకలో ఓ మూవీ కోసం చర్చలు జరిగినట్లు బాలీవుడ్‌ వర్గాల సమాచారం. ఇందులో నిజమెంతుందో తెలియాలంటే ఇంకొన్ని రోజులు వేచి చూడాల్సిందే. ప్రస్తుతం ఈయన కీలకపాత్రలో నటించిన లాల్‌ సింగ్‌ చడ్డా ఆగస్టు 12న విడుదల కానుంది. ఆవిూర్‌ ఖాన్‌ ప్రధాన పాత్రలో నటించిన ఈ చిత్రాన్ని తెలుగులో చిరంజీవి సమర్పిస్తున్నాడు. దీనితో పాటుగా చైతన్య, విక్రమ్‌ కుమార్‌ దర్శకత్వంలో ధూత అనే హార్రర్‌ వెబ్‌ సిరీస్‌ను చేస్తున్నాడు. దీని తర్వాత ’మానాడు’ ఫేం వెంకట్‌ ప్రభూ దర్శకత్వంలో ఓ యాక్షన్‌ చిత్రాన్ని చేయబోతున్నాడు.