ఖానాపురం ఆగష్టు 17జనం సాక్షి

మండలంలోని అశోక్ నగర్ సైనిక్ స్కూల్ ప్రాంగణంలో మండల స్థాయి క్రీడా పోటీలను బుధవారం  వైస్ ఎంపీపీ రామసహాయం ఉమారాణి ఉపేందర్ రెడ్డి  ప్రారంభించారు. స్వాతంత్ర దినోత్సవ వేడుకల్లో భాగంగా ఇప్పటికే పాఠశాల స్థాయిలో క్రీడా పోటీలను నిర్వహించారు.వీటిలో విజేతలైన వారికి బుధవారం మండల స్థాయిలో పోటీలు నిర్వహించి ఎంపికైన వారిని జిల్లా స్థాయి పోటీలకు పంపించనున్నారు.ఈ సందర్భంగా వైస్ ఎంపీపీ రామ సహాయం ఉమారాణి ఉపేందర్ రెడ్డి  మాట్లాడుతూ క్రీడలు మానసిక శారీరక ఉల్లాసాన్ని కలిగిస్తాయన్నారు. క్రీడలు వ్యాయామంలా విద్యార్థుల శారీరక దారుడ్యాన్ని పెంచుతాయని అన్నారు. ఈ సందర్భంగా మండల నోడల్ అధికారి మంగ్య మాట్లాడుతూ  తాను కూడా ఇదే పాఠశాలలో చదివానన్నారు. ప్రభుత్వ పాఠశాలల్లో చదువుతోపాటు ఆటపాటల కోసం క్రీడాస్థలం అందుబాటులో ఉంటుందని విద్యార్థులు అన్ని రంగాల్లో నిష్ణాతులు అయ్యేలా ప్రభుత్వ పాఠశాలలో బోధనా తీరు ఉంటుందన్నారు. ఈ సందర్భంగా క్రీడా పోటీలను నిర్వహించిన పిడి శ్రీధర్,పిఈటి సుభద్ర ,అబ్జర్వర్ రవి లను అభినందించారు. ఈ కార్యక్రమంలో మండలంలోని అన్ని ఉన్నత పాఠశాలల నుండి విద్యార్థులు పాల్గొన్నారు.