జనం సాక్షి/సైదాపూర్ ఆగస్టు 04..
సైదాపూర్ మండల ముదిరాజ్ మహాసభ అధ్యక్షునిగా నియామకమైన రేగుల అశోక్ కు శుక్రవారం మండల కేంద్రంలోని కొత్త బస్టాండ్ వద్ద బీఆర్ఎస్ పార్టీ మండల అధ్యక్షులు సోమారపు రాజయ్య శాలువతో సత్కరించారు. మండల అధ్యక్షునిగా నియామకమైన అశోకుని అభినందించారు. ఈ సందర్భంగా రాజయ్య మాట్లాడుతూ… అశోక్ నియామకానికి సహకరించిన రాష్ట్ర అధ్యక్షులు, మండలి వైస్ చైర్మన్ బండ ప్రకాష్ కు, జిల్లా అధ్యక్షులు గుర్రాల మల్లేశం కు కృతజ్ఞతలు తెలిపారు. రానున్న రోజుల్లో అశోకు ఉన్నత పదవులు పొందాలని ఆకాంక్షించారు. కార్యక్రమంలో బీఆర్ఎస్ మండల ఉపాధ్యక్షులు బత్తుల లక్ష్మీనారాయణ, సర్పంచుల ఫోరం ఉపాధ్యక్షులు పైడిమల్ల సుశీల-తిరుపతి, మండల యూత్ నాయకులు మాదం స్వామి, సుద్దాల నర్సింగ్, బీఆర్ఎస్ సీనియర్ నాయకులు అందే వెంకటేశ్వరరావు, ముదిరాజ్ సంఘం డైరెక్టర్ గూళ్ల వీరాస్వామి, తదితరులు పాల్గొన్నారు.