ఇబ్రహీంపట్నం , సెప్టెంబర్ 09 ,(జనం సాక్షి ) జగిత్యాల జిల్లా ఇబ్రహీంపట్నం మండలం ఎర్దండి గ్రామంలో నిర్మిస్తున్న రామాలయానికి డైనామిక్ యూత్ సభ్యులు 10 వేల116 భారీ విరాళాన్ని రామాలయ కమిటీ సభ్యులు బసెట్టి రాజేందర్ , బెల్లాల సురేష్ , గాజే రాజన్నలకు అందించారు.ఈ సందర్భంగా యూత్ సభ్యులు మాట్లాడుతూ ప్రతి సంవత్సరం వినాయకుడి దగ్గర ఏదో ఒకటి ప్రత్యేకంగా చేయాలని భావించామని , అందులో భాగంగా గత ఐదు సంవత్సరాల నుంచి మట్టి గణపతి ,అన్నదాన కార్యక్రమం , అరిటాకులో భోజనం , నిత్య భజన కార్యక్రమాలు చేశామని , అలాగే ఈ సంవత్సరం వాటికి అయ్యే ఖర్చుని రామాలయ నిర్మాణానికి ఇవ్వాలని భావించి విరాళం ఇచ్చినట్లు తెలిపారు.ఈ కార్యక్రమంలో అనిల్, దాసరి నవీన్,శ్రీకాంత్,మల్లేష్,శేఖర్,రాజేష్,రాజశేఖర్,రాజేందర్ పాల్గొన్నారు.