సూర్యాపేట టౌన్ (జనంసాక్షి): జిల్లా కేంద్రంలోని తెలంగాణ రాష్ట్ర ప్రభుత్వ రిటైర్డ్ ఉద్యోగుల సంఘ కార్యాలయంలో ఈ నెల 15న సోమవారం ఉచిత కంటి వైద్య శిభిరాన్ని ఏర్పాటు చేసినట్లు ఆ సంఘం సూర్యాపేట మండల అధ్యక్ష ,కార్యదర్శులు దండ శ్యాంసుందర్ రెడ్డి , ఎస్.నాగేశ్వరరావు శనివారం ఒక ప్రకటనలో తెలిపారు.మ్యాక్సీ విజన్ శరత్ లేజర్ కంటి హాస్పిటల్ , వరంగల్ వారి సౌజన్యంతో ఈ వైద్య శిభిరాన్ని ఏర్పాటు చేసినట్లు చెప్పారు.ఈ వైద్య శిభిరంలో భాగంగా వైద్య పరీక్షలు నిర్వహించి , అవసరమైన వారికి ఆపరేషన్లు చేయనున్నట్లు తెలిపారు. పెన్షనర్లు తమ హెల్త్ కార్డ్ ను తీసుకురావాలని తెలిపారు.ఉదయం 10 గంటల నుండి మధ్యాహ్నం ఒంటి గంట వరకు నిర్వహించే ఈ వైద్య శిభిరాన్ని పెన్షనర్లు సద్వినియోగం చేసుకోవాలని కోరారు.అదే విధంగా స్వాతంత్ర దినోత్సవాన్ని పురస్కరించుకొని సోమవారం ఉదయం 9 గంటలకు జాతీయ పతాక ఆవిష్కరణ కార్యక్రమాన్ని నిర్వహించనున్నట్లు తెలిపారు.