రామకృష్ణాపూర్ , (జనంసాక్షి): పట్టణం లోని సీపీఐ కార్యాలయంలో మంగళవారం సీపీఐ పార్టీ రాష్ట్ర మహాసభల వాల్ పోస్టర్స్ విడుదల చేయడం జరిగింది. ముఖ్య అతిథిగా సీపీఐ జిల్లా కార్యదర్శి రామడుగు లక్ష్మణ్ హాజరై మాట్లాడుతూ సెప్టెంబర్ నెల 4 నుండి 7 వరకు తెలంగాణ రాష్ట్ర 3వ మహాసభలు రంగారెడ్డి జిల్లా శంషాబాద్ లో నిర్వహించడం జరుగుతుందని అన్నారు. శంషాబాద్ జిల్లా పరిషత్ హైస్కూల్ గ్రౌండ్ లో భారీ ప్రదర్శన, బహిరంగ సభ నిర్వహించడం జరుగుతుందని తెలిపారు. 5 ,6,7 తేదీలలో 33 జిల్లాలనుండి, సుమారు 800 మంది ప్రతినిధులతో ప్రతినిధుల సభ నిర్వహించడం జరుగుతుందన్నారు. సెప్టెంబర్ 4 న జరిగే భారీ ప్రదర్శన, బహిరంగ సభను జయ్రదం చేయాలని కోరారు. ఈ మహాసభల లో సీపీఐ జాతీయ ప్రధాన కార్యదర్శి డి రాజా, సీపీఐ జాతీయ కార్యదర్శిలు అతుల్ కుమార్ అంజన్, కే నారాయణ, జాతీయ నాయకులు బినయ్ బిశ్వం ఎంపీ, వీరి తో పాటు రాష్ట్ర కార్యదర్శి చాడ వెంకటరెడ్డి, రాష్ట్ర పార్టీ నాయకులు పాల్గొని రాష్ట్ర, కేంద్ర ప్రభుత్వాలు అవలంబిస్తున్న ప్రజా వ్యతిరేక విధానాల పై కమ్యూనిస్టు పార్టీ భవిష్యత్ కార్యాచరణ, పలు అంశాలపై చర్చించడం జరుగుతుందన్నారు. ప్రజా నాట్య మండలి కళాకారుల ప్రదర్శనలు, ఆటలు, పాటలు, సాంసృతిక కార్యక్రమాలు నిర్వహిస్తారని తెలిపారు. ఈ మహాసభలను జయప్రదం చేయాలని పార్టీ నాయకులు, కార్యకర్తలు ,అభిమానులు, ప్రజలను కోరారు.
ఈ కార్యక్రమంలో సీపీఐ పట్టణ కార్యదర్శి మిట్ట పెల్లి శ్రీనివాస్, సీపీఐ జిల్లా కార్యవర్గ సభ్యులు ఇప్ప కాయల లింగయ్య, సీపీఐ జిల్లా సమితి సభ్యులు నక్క వెంకటస్వామి, వనం సత్యనారాయణ, మిట్ట పెల్లి పౌల్, రాష్ట్ర సమితి సభ్యులు మామిడి గోపీ, జిల్లా అద్యక్షులు మారపెళ్ళి రవి, ఏ.ఐ.వై.ఎఫ్. నాయకులు, మహిళా సమాఖ్య పట్టణ కార్యదర్శి గాజుల మనెమ్మ, ఈరవెని రవీందర్, గుమాసమల్లేశ్ ,మోతె రాయలింగు, చొప్పదండి దుర్గ, సీపీఐ నాయకులు మధాసు శంకర్ ,కిష్టయ్య, నాయకులు గోవిందుల రమేశ్, బోయపోతుల కొమురయ్య తదితరులు పాల్గొన్నారు