బైకులు ఎత్తుకెళుతున్న దొంగలు
— సులానగర్ లో రోడ్డు పక్కన పెట్టిన బైక్ చోరీ

టేకులపల్లి, సెప్టెంబర్ 20( జనం సాక్షి ): వ్యవసాయ రైతన్నలు ప్రధాన రహదారుల లో రోడ్డు ప్రక్కన వారి బైకులను పెట్టి వారి పొలాలకు వెళుతుంటారు . అదే అదునుగా బైకులు ఎత్తుకు వెళ్లే చోరీలు తయారయ్యారు. మూడు రోజుల క్రితం ఈనెల 17న మండల పరిధిలోని సులానగర్ గ్రామ నివాసి బొడ్డు ముత్తయ్య అనే రైతు ఇల్లందు కొత్తగూడెం ప్రధాన రహదారి లో గ్రామ సమీపాన తన పొలం వద్ద రోడ్డు పక్కన తన మోటార్ సైకిల్ ను పెట్టి పొలానికి వెళ్ళాడు. పొలం పనులు చూసుకుని తిరిగి వచ్చేసరికి హోండా షైన్ ఎస్పి 125 సిసి టీఎస్ 04 ఈకే 07 43 నెంబర్ గల మోటార్ సైకిల్ మాయమైంది .దీంతో తెలిసిన వారు ఎవరైనా తీసుకువెళ్లేరో ఏమోనని అనుకున్నాడు. కానీ ఎక్కడ ఆచూకీ లభ్యం కాకపోవడంతో తన మోటార్ సైకిల్ చోరీకి గురైనట్లు తెలుసుకున్నాడు. రోడ్డు ప్రక్కన వాహనాలు నిలిపి పొలాలకు వెళ్లే రైతులు తస్మాత్ జాగ్రత్త.