చింతపల్లి. ఫిబ్రవరి 18 (జనంసాక్షి) చింతపల్లి మండలంలో పెదబరడ గ్రామంలో వీధి లైట్లు లేక పలు ఇబ్బందులు పడుతున్నామని గ్రామస్తులు తెలిపారు. ఈ మేరకు గ్రామంలో వీధి లైట్లు లేకపోవడంతో రాత్రి సమయంలో ఇబ్బందులు పడుతున్నామన్నారు. అలాగే తరుచూ విద్యుత్ సరఫరాలో అంతరాయం ఏర్పడుతుందని, అధికారుల నిర్లక్ష్యం కారణంగానే ఈపరిస్ధితి ఏర్పడుతుంది ని ఆరోపణలు వినిపిస్తున్నాయి. ఇప్పటికైనా అధికారులు స్పందించి వీధి లైట్లు వేసి విద్యుత్ సరఫరా లో అంతరాయం ఏర్పడకుండా చర్యలు చేపట్టాలని గ్రామస్తులు సెగ్గే సత్యనారాయణ,జల్లి కృష్ణ, చొక్కాకుల కోటేశ్వరరావు, శ్రీను, రాజారావు, అర్జున్, శ్రీరాములు తదితరులు కోరారు.