ఇటిక్యాల (జనంసాక్షి) ఆగస్టు 19 : మండల పరిధిలోని ఎర్రవల్లి సరస్వతి స్కూల్ లో శనివారం ఒక్కరోజులో ఇంగ్లీష్ మాట్లాడడం ఎలా? అనే కార్యక్రమాన్ని ప్రముఖ స్పోకెన్ ఇంగ్లీష్ ట్రైన రైనా హైదరాబాద్ ఏఎస్ రెడ్డి ఆధ్వర్యంలో 50 మంది స్పోకెన్ ఇంగ్లీష్ ట్రైనర్లచే వర్క్ షాప్ నిర్వహించారు. స్పోకెన్ ఇంగ్లీష్ వర్క్ షాప్ లో ప్రతి విద్యార్థి ఇంగ్లీష్ లో ఎలా మాట్లాడాలో వారు ట్ట్రైనింగ్ ఇస్తూ ప్రాక్టీస్ చేయించారు. ఈ కార్యక్రమానికి ముఖ్యఅతిథిగా ఇటిక్యాల ఎంఈఓ రాజు హాజరయ్యారు. ఈ సందర్భంగా ఎంఈఓ రాజు మాట్లాడుతూ జోగులాంబ గద్వాల జిల్లాలోనే మొట్టమొదటిసారిగా ఇటువంటి స్పోకెన్ ఇంగ్లీష్ వర్క్ షాప్ ను నిర్వహించడం ఎర్రవల్లి సరస్వతి స్కూలు ప్రత్యేకత అన్నారు. ఇటువంటి కార్యక్రమం నిర్వహించడం ద్వారా విద్యార్థుల్లో ఆంగ్ల భాష పై మెరుగైన ప్రతిభ కనపరుస్తారని అన్నారు. ఈ కార్యక్రమంలో ప్రిన్సిపల్ వెంకటేశ్వరరావు, వైస్ ప్రిన్సిపల్ నందిని, ప్రధానోపాధ్యాయురాలు మధులిక ఉపాధ్యాయులు విద్యార్థులు పాల్గొన్నారు.