చౌడాపూర్ సెప్టెంబర్ 15( జనం సాక్షి): నూతన సెక్రటేరియట్ భవనానికి డాక్టర్ బి.ఆర్ అంబేద్కర్ పేరు పెట్టాలని సీఎం కేసీఆర్ నిర్ణయించడం హర్షించదగ్గ విషయమని దళిత ఉద్యోగ సంఘాల నాయకుడు కర్ణాకర్ అన్నారు. భారతరత్న డాక్టర్ బి.ఆర్ అంబేద్కర్ ప్రపంచ దేశాలు గర్వించదగ్గ వ్యక్తి మరియు ప్రపంచ మేధావి బహుముఖ ప్రజ్ఞాశాలి భారత రాజ్యాంగ నిర్మాత అంబేద్కర్ పేరు పెట్టడం పట్ల సీఎం కేసీఆర్ కు దళిత ఉద్యోగ సంఘాల తరఫున ప్రత్యేకంగా ధన్యవాదాలు తెలిపారు.అదేవిధంగా నూతన సెక్రటేరియట్ కు అంబేద్కర్ పేరును ఖరారు చేయడం పట్ల సహకరించిన ప్రజా ప్రతినిధులకు మరియు నాయకులకు కూడా ప్రత్యేకంగా ధన్యవాదాలు తెలిపారు.