విద్యార్థినీ, విద్యార్థులు ఓటును నమోదు చేసుకోవాలి-టేకులపల్లి ఎంపీడీవో వీరబాబు

టేకులపల్లి, సెప్టెంబర్ 12( జనం సాక్షి ): 18 సంవత్సరాలు నిండిన ప్రతి ఒక్క విద్యార్థినీ విద్యార్థులు తప్పనిసరిగా ఓటును నమోదు చేసుకోవాలని టేకులపల్లి ఎంపీడీవో కె వీరబాబు సూచించారు. మంగళవారం ప్రభుత్వ జూనియర్ కళాశాల, టేకులపల్లి నందు ఓటింగ్ ప్రక్రియ, ఓటు హక్కు వినియోగంపై అవగాహన సదస్సును ఏర్పాటు చేశారు. 18 సంవత్సరాలు నిండిన విద్యార్థిని విద్యార్థులు ఓటును నమోదు చేసుకోవడం ఎంత ముఖ్యమో, ఓటు హక్కును వినియోగించుకోవడం కూడా అంతే ముఖ్యమని, ప్రతి ఒక్కరూ తప్పనిసరిగా ఓటుని వినియోగించు కోవాలని ఆయన కోరారు. ఈ సమావేశంలో ప్రభుత్వ కళాశాల సిబ్బంది, విద్యార్థులు పాల్గొన్నారు. ఓటును నమోదు చేసుకోవడానికి ఫారం -6 ను అందజేశారు.