రుద్రంగి సెప్టెంబర్ 19 (జనం సాక్షి)

అడవి పందుల దాడిలో మొక్కజొన్న పంట దగ్ధమైన సంఘటన రుద్రంగి మండల కేంద్రంలో చోటు చేసుకున్నది.గ్రామానికి చెందిన పిడుగు రాజిరెడ్డి  ఎకరం భూమిలో మొక్కజొన్న పంట వేసుకున్నాడు. సోమవారం తెల్లవారుజామున అడవి పందులు స్వైర విహారం చేసి పూర్తిగా ధ్వంసం చేశాయి.చేతికి వచ్చే పంట పూర్తిగా నేలపాలు కావడంతో రైతు రాజిరెడ్డి బోరుమన్నాడు.మరో 20,25 రోజుల్లో కోతకు వచ్చే దశలో ఉన్న మొక్కజొన్న చేనుల్లో పందులు పడి మొత్తం నాశనం చేశాయని, ఎకరాకు 30క్వింటాళ్ల వరకు దిగుబడి వచ్చేదని,ఇప్పుడది రెండు క్వింటాళ్లు కూడా వచ్చే పరిస్థితి లేదని బాధిత రైతు ఆవేదన వ్యక్తం చేస్తున్నాడు.వర్షాభావం కారణంగా నీటి సౌకర్యం ఉన్న చోట్లనే మొక్కజొన్న వేశామని దీంతో పందులు గ్రామ సమీపంలోని కొచ్చగుట్ట తండా ఏరియాలో వేసిన చేనులో పడి నాశనం చేశాయని తెలిపాడు.