పానుగల్ సెప్టెంబర్ 19( జనంసాక్షి )

 మండల కేంద్రానికి చెందిన హోంగార్డ్ విష్ణు ఇటీవల అనారోగ్యంతో మృతి చెందడంతో, జిల్లాలోని హోంగార్డులు సోమవారం విష్ణు కుటుంబాన్నిపరామర్శించి, ఆర్థిక సాయం చేశారు. ఎస్పీ ఆదేశాల మేరకు జిల్లాలోని హోమ్ గార్డులు పొగుచేసిన ఒక లక్ష మూడు వేల 500 రూపాయలను ఆర్.ఐ అడ్మిన్ జగన్ ఆధ్వర్యంలో హోంగార్డ్ విష్ణు కుటుంబానికి అందజేశారు. ఈ సందర్భంగా వారు మాట్లాడుతూ అకాల మరణం చెందిన హోంగార్డ్ విష్ణు కుటుంబానికి తమ వంతు ఆర్థిక సాయం చేయడం జరిగిందని తెలిపారు. ఈ కార్యక్రమంలో ఏ ఆర్ హెడ్ కానిస్టేబుల్ సుదర్శన్, కానిస్టేబుల్ తారక్, హోమ్ గార్డులు శ్రీనివాసులు, కృష్ణ సాగర్, సహదేవుడు, శంకర్,స్థానిక ఉప సర్పంచ్ రామరాజు, వార్డు మెంబర్ తాళ్ల సింగోటం, పెద్ద బోయిని నారాయణ తదితరులు పాల్గొన్నారు.