సూర్యాపేట టౌన్ :అన్నదానం మహాదానమని టీపీసీసీ కార్యదర్శి పటేల్ రమేష్ రెడ్డి అన్నారు.బుధవారం స్థానిక 43వ వార్డ్ నెహ్రు నగర్ లో నెలకొల్పిన వినాయకుని విగ్రహం వద్ద ప్రత్యేక పూజలు నిర్వహించారు.అనంతరం ఆ వార్డ్ కౌన్సిలర్ నామ అరుణ ప్రవీణ్ ఆధ్వర్యంలో ఏర్పాటు చేసిన అన్నదాన కార్యక్రమాన్ని
ప్రారంభించి మాట్లాడారు.గణనాథుని ఆశీస్సులతో ప్రతి ఒక్కరు సుఖ సంతోషాలతో ఉండాలని ఆకాంక్షించారు.గణేష్ నవరాత్రి ఉత్సవాలను ప్రజలంతా భక్తిశ్రద్ధలతో శాంతియుతంగా జరుపుకోవాలని కోరారు.మన సంస్కృతి , సాంప్రదాయాలు, పండుగలను కాపాడుకుంటూ భావితరాల అందించాల్సిన బాధ్యత ప్రతి ఒక్కరిపై ఉందన్నారు.ఈ కార్యక్రమంలో వార్డు ప్రజలు, నాయకులు తదితరులు పాల్గొన్నారు.