సూర్యాపేట టౌన్ (జనంసాక్షి):అన్నిదానాల్లో అన్నదానం మిన్న అని టీఆర్ఎస్ జిల్లా నాయకులు గండూరి ప్రకాష్ , డాక్టర్ వూర రామ్మూర్తి అన్నారు. ఆదివారం స్థానిక 43వ వార్డ్ నెహ్రూ నగర్ లో వీఎస్ఆర్ యూత్ ఆధ్వర్యంలో ఏర్పాటు చేసిన వినాయక మంటపం వద్ద గణనాథునికి ప్రత్యేక పూజలు నిర్వహించారు.అనంతరం వేముల వీరబాబు మల్లీశ్వరి ఆధ్వర్యంలో ఏర్పాటు చేసిన అన్నదాన కార్యక్రమాన్ని వారు ప్రారంభించి మాట్లాడారు.గత ఆరేళ్లుగా వీఎస్ఆర్ యూత్ ఆధ్వర్యంలో గణేష్ నవరాత్రి ఉత్సవాలను ఘనంగా నిర్వహించడం అభినందనీయం అన్నారు.గణపతి నవరాత్రోత్సవాలను భక్తి శ్రద్ధలతో జరుపుకోవాలన్నారు.ఈ కార్యక్రమంలో మున్సిపల్ కో ఆప్షన్ మెంబర్ బత్తుల ఝాన్సీలక్ష్మి రమేష్ , మాజీ కౌన్సిలర్లు జ్యోతి కరుణాకర్ , బైరబోయిన శ్రీనివాస్ , వార్డు టీఆర్ఎస్ పార్టీ ప్రధాన కార్యదర్శి మీనయ్య , నాయకులు, వార్డ్ ప్రజలు తదితరులు పాల్గొన్నారు.