సూర్యాపేట టౌన్ (జనంసాక్షి):అన్ని దానాల కన్నా అన్నదానం గొప్పదని జిల్లా నాయకులు శనగాని రాంబాబు గౌడ్, 24వ వార్డ్ కౌన్సిలర్ బత్తుల లక్ష్మీ జానీ అన్నారు.శనివారం స్థానిక 24వ వార్డ్ సీతారాంపురం అఫ్జల్ రైస్ మిల్లు సమీపంలో ఏర్పాటు చేసిన దుర్గాదేవి విగ్రహం వద్ద అన్నదాన కార్యక్రమాన్ని వారు ప్రారంభించి మాట్లాడారు.ప్రతి ఒక్కరూ భక్తి భావాన్ని కలిగి ఉండాలన్నారు.భక్తి భావంతోనే మానసిక ప్రశాంతత లభిస్తుందన్నారు. అమ్మవారి కృప సూర్యాపేట ప్రజలపై ఉండి, ప్రజలందరూ సుఖశాంతులతో ఉండాలని ఆకాంక్షించారు.ఈ కార్యక్రమంలో మాజీ కౌన్సిలర్ గునుగంటి వంశీ , ఉత్సవ కమిటీ సభ్యులు పల్సర్ నరేందర్ , పోతురాజు సైదులు , మురళీ , సంతోష్ , అన్నదాన కార్యక్రమ దాత గుండాల సందీప్ , సాయి, అభిలాష్ , విగ్రహ దాత తోకల శ్రీనివాస్ , కళ్యాణ్, బోళ్ల రాజేష్ , సాగర్ తదితరులు పాల్గొన్నారు.