సీపీఐ జిల్లా కార్యవర్గ సభ్యులు అందె అశోక్

– రేపు బైరాన్ పల్లిలో అమరుల సంస్మరణ సభ

సీపీఐ నేత, మాజీ ఎమ్మెల్యే చాడ రాక

ధూల్మిట్ట (జనంసాక్షి) సెప్టెంబర్ 14 : తెలంగాణ రైతాంగ సాయుధ పోరాట వారోత్సవాలలో బాగంగా సీపీఐ ఆధ్వర్యంలో ఉమ్మడి మద్దూర్ మండలంలోని వీర బైరాన్ పల్లిలో అమరవీరుల బురుజు వద్ద రేపు శుక్రవారం సాయంత్రం 4 గంటలకు సాయుధ పోరాట అమరుల సంస్మరణ సభ నిర్వహిస్తున్నట్లు సీపీఐ జిల్లా కార్యవర్గ సభ్యులు అందె అశోక్ తెలిపారు. ఈసందర్భంగా వారు మాట్లాడుతూ.. భూమి, భుక్తి, వెట్టి చాకిరి విముక్తి కోసం నిజాం నిరంకుశ పాలనకు వ్యతిరేకంగా పోరాడి తుపాకీ తూటాలకు అమరులైన పోరాట యోధుల స్తూపం వద్ద నివాళులర్పించి,అనంతరం బురుజు వద్ద సంస్మరణ సభ జరుగుతుందన్నారు. ఈ కార్యక్రమానికి ముఖ్య అతిథిగా సీపీఐ జాతీయ కార్యవర్గ సభ్యులు, మాజీ అసెంబ్లీ ఫ్లోర్ లీడర్ కామ్రేడ్ చాడ వెంకట్ రెడ్డి, సీపీఐ జిల్లా కార్యదర్శి కామ్రేడ్ మంద పవన్, రాష్ట్ర కౌన్సిల్ సభ్యులు గడిపే మల్లేష్, జిల్లా నాయకులు హాజరుకానున్నారు. తెలంగాణ ప్రజానాట్యమండలి కళాకారుల చేత సాంస్కృతిక కార్యక్రమాలు ఉంటాయని తెలిపారు. ఈ సభకు కార్యకర్తలు అధిక సంఖ్యలో హాజరై విజయవంతం చేయాలని వారు పిలుపునిచ్చారు.