బెల్లంపల్లి,అక్టోబర్23,(జనంసాక్షి)
బెల్లంపల్లి పట్టణంలోని కాంటా ఏరియా బస్టాండ్ వద్ద ఆదివారం అమ్మఒడి స్వచ్ఛంద సేవా సంస్థ ఆధ్వర్యంలో అన్నదానం చేపట్టారు. ఈసందర్భంగా అమ్మఒడి అన్నదాత ప్రాజెక్టు బెల్లంపల్లి బ్రాంచ్ మేనేజర్ హనుమండ్ల మదుకర్ మాట్లాడుతూ అన్నమో రామచంద్ర అని ఆకలితో అలమటిస్తున్న వారి ఆకలి బాధను తగ్గించడానికి తమ వంతు సాయంగా అన్నదానం కార్యక్రమం ప్రారంభించామని తెలిపారు. శ్రీరాంపూర్ కు చెందిన గంధం శ్రీలత – కిరణ్ దంపతుల కూతురు ఆధ్యశ్రీ జన్మదినం సందర్భంగా గంధం కిరణ్ ఆర్థిక సహాయం తో 153 వ సారి అన్నదానం చేపట్టినట్లు అయన పేర్కొన్నారు. బెల్లంపల్లి పట్టణంలోని కాంటా చౌరస్తా పల్లెటూరి బస్టాండు వద్ద యచకులకు, నిరుపేదలకు, కూలీలకు, బాటసారులకు, సుమారు 200 మందికి అన్నదానం చేసినట్లు తెలిపారు. ఈకార్యక్రమంలో దాతలు సంబంధికులు జంజర్ల బ్రహ్మానందం, కొంక బీమెష్, అమ్మఒడి సభ్యులు హనుమండ్ల సువర్ణ, గన్నెవరం తిరుమల చారి, రంగ సురేష్, బియ్యల ఉపేందర్, సిద్ధమల్ల రఘు, లెంకల శ్రావణ్ కుమార్ ( సన్నీ యాదవ్), మేడిపల్లి రమేష్, నాగుల సురేష్, ప్రఖ్యాత్, బాలు, ఎండి యూసుఫ్, చెందుపట్ల లింగన్న పాల్గొన్నారు.