జహీరాబాద్ అక్టోబర్ 18 (జనంసాక్షి) ఆర్టీసీ ఉద్యోగులు తమ నిజాయితీని మరో మారు చాటుకున్నారు. జహీరాబాద్ ప్రాంతానికి చెందిన ముగ్గురు మహిళల ప్రయాణికులు హైదరాబాద్ నుంచి జహీరాబాద్ కి రావడం కోసం హైదరాబాద్-2 డిపో బస్సులో ఎక్కి, దిగే సమయంలో సుమారు 40 వేల రూపాయలు, రెండు తులాల బంగారం కలిగి ఉన్న విలువైన బ్యాగును బస్సులో మర్చిపోయారు. కొంతసేపటికి తర్వాత బస్సులో మర్చిపోయిన వస్తువుల సమాచారాన్ని జహీరాబాద్ డిపో అధికారులకు తెలియజేయగా వారి వద్ద ఉన్న టికెట్ను ఆధారంగా చేసుకుని హైదరాబాద్ టు డిపో అధికారులతో సంప్రదించి బస్సు కండక్టర్ కు సమాచారం ఇవ్వగా, ప్రయాణికులు మర్చిపోయిన విలువైన వస్తువులకు సంబంధించిన బ్యాగ్ ను బస్సులో ఉన్నట్లుగా నిర్ధారణ చేసుకుని, సదరు విలువైన వస్తువులను జహీరాబాద్ డిపో కి రప్పించుకుని సదరు మహిళా ప్రయాణికులకు అప్పగించారు. తాము మర్చిపోయిన విలువైన వస్తువులను కలిగి ఉన్న బ్యాగును ఎంతో బాధ్యతగా తిరిగి తమకు అప్పగించిన జహీరాబాద్ డిపో సిబ్బందికి, అధికారులకు సదురు మహిళా ప్రయాణికులు సంతృప్తితో ధన్యవాదాలు తెలియజేశారు.