ఎప్పుడెప్పుడా అని ఎదురుచూస్తున్న రోజురానే వచ్చింది. బాలీవుడ్‌ ఫైర్‌ బ్రాండ్‌ కంగనారనౌత్‌ నటిస్తున్న కొత్త మూవీ ఎమర్జెన్సీ టీజర్‌ రిలీజ్‌ అయ్యింది. ఇందులో మాజీ ప్రధాని ఇందిరా గాంధీ పాత్రలో కంగనా కనిపించారు. ఈ సినిమాకు సంబంధించి ఫస్ట్‌ లుక్‌ పోస్టర్‌ ఆకట్టుకుంది. టీజర్‌లో కంగనా రనౌత్‌ ఇందిరా గాంధీ రూపాన్ని, హావభావాలు, భాషను విజయవంతంగా అనుకరించింది. కళ్లజోడుతో కాటన్‌ చీర ధరించి కనిపించింది. వీడియోలో కంగనాకు అమెరికా మాజీ విదేశాంగ కార్యదర్శి హెన్రీ కిస్సింజర్‌ నుండి కాల్‌ వచ్చింది. అమెరికన్‌ ప్రెసిడెంట్‌ రిచర్డ్‌ నిక్సన్‌ ఆమెను సాధారణంగా సార్‌ అని కాకుండా మేడమ్‌ అని సంబోధించగలరా అని అడిగారు. కంగనా ఇందిర వలె, ఒక బీట్‌ తీసుకొని అవును అని చెప్పింది. కానీ ఆమె సెక్రటరీ వైపు తిరిగి, ఆమె కార్యాలయంలో అందరూ తనను సర్‌ అని పిలుస్తున్నారని అధ్యక్షుడికి చెప్పండి అంటూ కంగనా చెప్పిన డైలాగ్‌ లు ఆకట్టుకున్నాయి. ప్రస్తుతం ఈ వీడియో అందర్నీ ఆకట్టుకుంటుంది.