మునగాల, సెప్టెంబర్ 02(జనంసాక్షి): మునగాల మండల పరిధిలోని ముకుందాపురం గ్రామపంచాయతీ పరిధిలో ఉన్న ఇందిరా అనాధ వృద్ధాశ్రమంలో జనసేన అధినేత పవన్ కళ్యాణ్ పుట్టిన రోజు సందర్భంగా ముకుందాపురం ఇందిరా అనాధ వృద్ధాశ్రమంలో శుక్రవారం అన్నదానం కార్యక్రమం నిర్వహించి పండ్లు పంపిణీ చేశారు. ఈ కార్యక్రమం మునగాల మండల జనసేన పార్టీ ప్రధాన కార్యదర్శి వేముల సిద్దు ఆధ్వర్యంలో ఘనంగా కార్యక్రమం నిర్వహించారు. ఈ కార్యక్రమానికి ముఖ్య అతిథిగా సామాజిక ఉద్యమకారులు వేమూరి సత్యనారాయణ హాజరై మాట్లాడారు. ఈ విధంగా వారి పార్టీ అధ్యక్షులు పుట్టిన రోజు సందర్భంగా ఇలా అనాధ వృద్ధాశ్రమంలో అనాధలకు మానసిక వికలాంగులకు వృద్ధులకు అన్నదాన కార్యక్రమం నిర్వహించడం ఎంతో అభినందనీయమని, ప్రతి ఒక్కరూ ఇలా వేముల సిద్ధుని ఆదర్శంగా తీసుకొని తమ తమ నాయకుల పుట్టినరోజు వేడుకలు, వారి వారి పుట్టినరోజులు, వివాహ వార్షికోత్సవాలు ఇలా ఆశ్రమంలో నిర్వహించి పేదల ఆకలి తీర్చాలని కోరారు. ఈ కార్యక్రమంలో మండల జనసేన అధ్యక్షుడు బాదె అంజి, ఉపాధ్యక్షులు చెవుల భరత్, బాలెంల నాగరాజు, గోపి, లింగయ్య యాదవ్, అఖిల్, ఆశ్రమం నిర్వాహకురాలు నాగిరెడ్డి విజయమ్మ తదితరులు పాల్గొన్నారు.