సూర్యాపేట టౌన్ (జనంసాక్షి): ఈనెల 13న నల్లగొండ జిల్లా కేంద్రంలోని ప్రభుత్వ వోకేషనల్ జూనియర్ కళాశాలలో ఇంటర్మీడియట్ విద్యా కమిషనర్ అండ్ రీజినల్ డైరెక్టర్, స్కిల్ డెవలప్మెంట్ అండ్ ఎంట్రీప్రెన్యూర్షిప్ ఆధ్వర్యంలో అప్రెంటిస్ షిప్ మేళా నిర్వహించనున్నట్లు సూర్యాపేట డిఐఈఓ రుద్రంగి రవి శుక్రవారం ఒక ప్రకటనలో తెలిపారు.ఇంటర్మీడియట్ వృత్తి విద్యా కోర్సులు అభ్యసించిన విద్యార్థులకు ఉద్యోగ అవకాశాలను, నైపుణ్యాలలో పెంపొందించేందుకు ఈ అప్రెంటిస్ షిప్ మేళా
ఏర్పాటు చేసినట్లు తెలిపారు. వివిధ పరిశ్రమలు, హాస్పిటల్స్, ఇతర సంస్థల వారు హాజరు కానున్నట్లు పేర్కొన్నారు.ప్రభుత్వ , ప్రభుత్వేతర సంస్థలలో ఉద్యోగం చేయాలంటే ఈ అప్రెంటిస్ షిప్ తప్పనిసరి అని చెప్పారు. 2018 , ఆ తర్వాత ఉత్తీర్ణులైన విద్యార్థులు అర్హులని తెలిపారు. రిజిస్ట్రేషన్ ఫారం, ఒరిజినల్ సర్టిఫికెట్స్ , రెండు పాస్పోర్ట్ సైజ్ ఫోటోలను తీసుకొని ఈ మేళాకు హాజరు కావాలని చెప్పారు. ఎంపికైన వారికి ట్రైనింగ్ , స్ట్రైఫండ్ తో పాటు ఉద్యోగ అవకాశాలు కల్పించనున్నట్లు తెలిపారు.