మందమర్రి సిఐ ప్రమోదరావు ఆధ్వర్యంలో భారీ బందోబస్తు

రామకృష్ణాపూర్, (జనంసాక్షి) : క్యాతన్ పల్లి మున్సిపాలిటీలో గణనాధుల నిమజ్జన కార్యక్రమం అత్యంత భక్తిశ్రద్ధలతో నిర్వహించారు. రామకృష్ణాపూర్ గణేష్ ఉత్సవ కమిటీ, జి.ఎస్.ఆర్ ఫౌండేషన్ సంయుక్తంగా వినాయక శోభాయాత్రను శుక్రవారం ఘనంగా నిర్వహించారు. స్థానిక రాజీవ్ చౌక్ లో ఏర్పాటుచేసిన శోభాయాత్ర వేదిక వద్ద భక్తులు నృత్యాలతో
శోభాయాత్రకు మరింత ఆకర్షణీయంగా మారింది. పట్టణంలోని సుమారు 100 గణేష్ విగ్రహాలు మండపాల నుండి బయలుదేరి పుర వీధుల్లో గణనాధునీ శోభాయాత్రగా బయలుదేరి రాజీవ్ చౌక్ చేరుకొని ఉత్సవ కమిటీ ఏర్పాటు చేసిన వేదిక వద్ద కొబ్బరికాయలు కొట్టి వినాయకులను సాగనంపారు. శోభా యాత్రలో ఎలాంటి అవాంఛనీయ సంఘటనలు జరగకుండా మందమర్రి సిఐ ప్రమోద్ రావు ఆధ్వర్యంలో పట్టణ ఎస్సై బి అశోక్ నేతృత్వంలో భారీ బందోబస్తు ఏర్పాటు చేశారు. శోభాయాత్రకు ముఖ్య అతిథులుగా మునిసిపల్ చైర్ పర్సన్ జంగం కళ, వైస్ చైర్మన్ ఎర్రం విద్యాసాగర్ రెడ్డి, కమిషనర్ వెంకటనారాయణ, జిఎస్ఆర్ ఫౌండేషన్ వ్యవస్థాపకులు డాక్టర్ రాజా రమేష్, పట్టణ ఎస్సై బి అశోక్, పాల్గొని గణనాథుని విగ్రహం వద్ద కొబ్బరికాయలు కొట్టారు. అనంతరం గణనాథుని సాగనంపారు. ఈ కార్యక్రమంలో ఉత్సవ కమిటీ సభ్యులు, జి ఎస్ ఆర్ ఫౌండేషన్ సభ్యులు ,భక్తులు పెద్ద ఎత్తున పాల్గొన్నారు.