కుల్కచర్ల, సెప్టెంబర్ 19(జనం సాక్షి): కుల్కచర్ల మండల పరిధిలోని ముజాహిద్ పూర్  మోడల్ స్కూల్ లో చదువుకుంటున్న విద్యార్థిని విద్యార్థులు ఇబ్బంది పడకూడదని,కుటుంబం మీద ఆర్థిక భారం పడవద్దని, విద్యార్థులు మంచిగా చదువుకోవాలని, సేవా కార్యక్రమాలే లక్ష్యంగా ముందుకెళ్తూ విద్య వైద్యం రంగానికి ప్రాధాన్యత ఇస్తూ ముందుకు వెళ్తున్న కేఎస్ఆర్ ట్రస్ట్ చైర్మన్ శరత్ కుమార్ రెడ్డి సోమవారం మానవ దృక్పథంతో మోడల్ స్కూల్ విద్యార్థులకు ఉచిత బస్సు పాసులు పంపిణీ చేశారు.ఈ సందర్భంగా శరత్ కుమార్ రెడ్డి మాట్లాడుతూ..నేటి బాలలే రేపటి పౌరులని, మీరు చక్కగా చదువుకొని ఉన్నత స్థాయిలో ఉంటే ఇలాంటి సేవ కార్యక్రమాలు మీరు కూడా మరెన్నో చేయవచ్చుని తెలిపారు.ఈ కార్యక్రమంలో మోడల్ స్కూల్ లో ప్రిన్సిపాల్ భాగ్యలక్ష్మి , చాపలగూడెం సర్పంచ్ లక్ష్మణ్,ద్యనమొని శ్రీనివాస్,రాంచెంద్రయ్య,నరేష్,సత్యం, యువకులు, విద్యార్థులు,ఉపాధ్యాయ సిబ్బింది తదితరులు పాల్గొన్నారు.