కోదాడ అక్టోబర్ 10(జనం సాక్షి)

మండల పరిధిలోని గుడిబండ గ్రామంలో ఇటీవల  బాస్కెట్ బాల్ కమిటీ చైర్మన్ గా ఎన్నికైన ఎంపీపీ చింతా కవితా రాధా రెడ్డిని తన నివాసంలో మాతంగి బాయమ్మ మెమోరియల్ ట్రస్ట్ (ఎంబిఎం ట్రస్టు) ఆధ్వర్యంలో ఘనంగా సన్మానించారు. ఈ సందర్భంగా ఎంపీపీ మాట్లాడుతూ సూర్యాపేట జిల్లా బాస్కెట్ బాల్ అసోసియేషన్ చైర్మన్ గా నాఎన్నికకు సహకరించిన జిల్లా మంత్రి గుంటకండ్ల జగదీష్ రెడ్డి కి,కోదాడ ఎమ్మెల్యే బొల్లం మల్లయ్య యాదవ్ కి  కృతజ్ఞతలు తెలియజేస్తూ బాస్కెట్ బాల్ క్రీడలో సూర్యాపేట జిల్లాని రాష్ట్రంలో ప్రథమ స్థానంలో ఉంచేందుకు కృషి చేస్తానని యువత క్రీడల్లో రాణించాలని అన్నారు.బాస్కెట్ బాల్ అసోసియేషన్ జిల్లా చైర్మన్ గా ఎన్నికైన సందర్భంగా సన్మాన కార్యక్రమాన్ని ఏర్పాటు చేసిన ఎంబిఎం ట్రస్ట్ నిర్వాహకులకు,శ్రేయోభిలాషులకు ప్రత్యేక ధన్యవాదాలు తెలియజేస్తున్నానన్నారు.ఈ కార్యక్రమంలో ఎంబిఎం ట్రస్టు అధ్యక్షులు మాతంగి సురేష్,గద్దె నరేందర్,సంగిశెట్టి గోపాల్,కాసర్ల సత్యరాజు,గంధం వెంకటనారాయణ,కుర్ర రామారావు,నకిరికంటి నాగేంద్రబాబు,షేక్ నజీర్,నందిగామ హర్షవర్ధన్,ములకలపల్లి నవీన్,గోపి వర్మ,సోమపంగు శ్రీను,సోమపంగు అశోక్,భూక్య రవి,పూలబోయిన వెంకటగిరి తదితరులు పాల్గొన్నారు.