ఎర్గగట్ల ఆగస్టు 29 (జనంసాక్షి ): నిజాంబాద్ జిల్లా ఏర్గట్ల మండల కేంద్రంలోని  జిల్లా పరిషత్ ఉన్నత పాఠశాల యందు జిల్లా విద్యాశాఖ అధికారి దుర్గాప్రసాద్ ఆదేశాల మేరకు పాఠశాల ఉపాధ్యాయుడు మునిరోద్దీన్ ను ఎఫ్ ఎ సి హెచ్ ఏం గా  సోమవారం పదవీ బాధ్యతలు స్వీకరించారు. అనంతరం  మండల విద్యాధికారి ఆంధ్రయ్య మాట్లాడుతూ ఉపాధ్యాయులందరూ సమన్వయంతో పని చేస్తూ విద్యార్థుల ప్రగతికి కృషి చేయాలని కోరారు. అనంతరము అదే పాఠశాలలో భౌతికశాస్త్ర ఉపాధ్యాయులుగా పనిచేస్తున్న గాండ్ల రాజశేఖర్ ను టేక్ మహేంద్ర మరియు సైన్స్ అకాడమీ ఆధ్వర్యంలో నిర్వహించిన ట్రాన్స్ ఫార్మింగ్ ఎడ్యుకేటర్ అవార్డు రాష్ట్రస్థాయికి ఎంపికైన సందర్భంగా ఏర్గట్ల పి ఆర్ టి యు టి ఎస్ సంఘ పక్షాన గాండ్ల రాజశేఖర్ ను, హెచ్ఎం బాధ్యతలు స్వీకరించిన మునీరుద్దీన్ ను  ఘనంగా సన్మానించడం జరిగినది. ఈ కార్యక్రమంలో మండల జెడ్పిటిసి గుల్లె రాజేశ్వర్,ఎంపీపీ ఉపేందర్ రెడ్డి, సర్పంచ్ లావణ్య గంగాధర్,ఏర్గట్ల పిఆర్టియు అధ్యక్షులు షేర్ల శ్రీనివాస్, ప్రధాన కార్యదర్శి కృష్ణ ప్రసాద్, కార్యవర్గ సభ్యులు మరియు ఉపాధ్యాయులు పాల్గొన్నారు.