5లక్షలతో సీసీ రోడ్డు నిర్మాణానికి భూమి పూజ

చేర్యాల (జనంసాక్షి) ఆగస్టు 14 : ఎమ్మెల్యే ముత్తిరెడ్డి యాదగిరి రెడ్డి సహకారంతోనే గ్రామాలు ఎంతో అభివృద్ధి చెందుతున్నాయని ముస్త్యాల సర్పంచ్ పెడుతల ఎల్లారెడ్డి అన్నారు. చేర్యాల మండలం ముస్త్యాల గ్రామంలో సిసి రోడ్డు నిర్మాణానికి గ్రామ సర్పంచ్, సర్పంచ్ ల ఫోరం మండల అధ్యక్షులు పెడుతల ఎల్లారెడ్డి సోమవారం భూమి పూజ చేశారు. ఈసందర్భంగా ఆయన మాట్లాడుతూ.. జనగామ శాసనసభ్యులు ముత్తిరెడ్డి యాదగిరి రెడ్డి నిధులనుండి ఐదు లక్షల రూపాయలు మంజూరు చేయడం జరిగిందని తెలిపారు. సీఎం కేసీఆర్ పరిపాలనలో సబ్బండ వర్గాల సంక్షేమ ధ్యేయంగా రాష్ట్ర ప్రభుత్వం పనిచేస్తుందని అన్నారు. దేశంలో ఎక్కడ లేని విధంగా తెలంగాణ రాష్ట్ర ముందుకు దూసుకుపోతుందని అన్నారు. ఈ కార్యక్రమంలో ఎంపీటీసీ కమర్ సుల్తానా, ఉపసర్పంచ్ మీస రవితేజ, గ్రామపంచాయతీ కార్యదర్శి నవ్య, వార్డు సభ్యులు మేడిపల్లి ప్రసన్న, అవధూత కిష్టయ్య, గ్రామ ప్రజలు నగేష్, చంద్రమౌళి, బాలు తదితరులు పాల్గొన్నారు.