మునగాల:- మునగాలలో జరుగు తెలంగాణ పబ్లిక్& ప్రైవేట్ రోడ్ ట్రాన్స్ పోర్ట్ వర్కర్స్ ఫెడరేషన్ (సిఐటియు అనుబంధ) సంఘం జిల్లా ప్రధమ మహాసభను జయప్రదం చేయాలని ఆ సంఘం జిల్లా కార్యదర్శి ఎం. రాంబాబు కార్మికులకు పిలుపునిచ్చారు. బుధవారం మండల కేంద్రంలో అక్టోబర్ 2న జరుగు తెలంగాణ పబ్లిక్ అండ్ ప్రైవేట్ రోడ్ ట్రాన్స్ పోర్ట్ వర్కర్స్ ఫెడరేషన్ జిల్లా ప్రథమ మహాసభల కరపత్రం ఆవిష్కరణ చేయడం జరిగింది. ఈ సందర్భంగా జిల్లా కార్యదర్శి యం. రాంబాబు మాట్లాడుతూ, లారీ మినీలారీ ఆటో జీప్ కారు గూడ్స్ ఆటో ట్రాక్టర్ ఆర్టీసీ అద్దె బస్సులు, స్కూల్, కాలేజీ బస్సులు, ట్యాక్స్, వివిధ విభాగాలో ట్రాన్స్ పోర్ట్ రంగంలో పనిచేస్తున్న కార్మికులు  ఎదుర్కొంటున్న సమస్యలను చర్చించి, భవిష్యత్ కర్తవ్యాలను రూపొందించుకునేందుకు మునగాల మండల కేంద్రంలో అక్టోబర్ 2న జరిగే జిల్లా ప్రధమ మహాసభలను విజయవంతం చేయాలని కార్మికులను కోరారు. ఈ కార్యక్రమంలో ఆటో వర్కర్స్ యూనియన్ నాయకులు షేక్ జానీమియా, మరియన్న, సోమయ్య, షేక్ రఫీ, జి నారాయణ, నరసయ్య, శ్రీను, నాగరాజు, సైదులు, నాగయ్య తదితరులు పాల్గొన్నారు.