చింతలపాలెం —  జనంసాక్షి

సూర్యాపేట జిల్లా,హుజూర్ నగర్ నియోజకవర్గం,చింతలపాలెం మండలం,పీకల నాయక్ తండ గ్రామానికి చెందిన లకావత్ రామారావు అనారోగ్యంతో చనిపోయారు,తన కుమార్తె లావణ్యకు చిన్నప్పటి నుంచి కలెక్టర్ కావాలన్న కోరిక బలంగా ఉంది.అందుకు అనుగుణంగా కష్టపడి చదివి మంచి మార్కులతో డిగ్రీ పూర్తి చేసింది.UPSC పరీక్షలో ఉత్తీర్ణత సాధించడం కోసం కోచింగ్ తీసుకోవాలనుకుంది అయితే తండ్రి లేకపోవడం కుటుంబ ఆర్థిక పరిస్థితి కూడా అంతంత మాత్రాన ఉండడంతో ఐఏఎస్ కావాలన్న తన కోరిక తీరదని భావించింది. అయితే లావణ్య పరిస్థితి గురించి తెలుసుకున్న వర్క్ కాగ్,మైక్ టీవీ అధినేత అన్నపురెడ్డి‌‌ అప్పిరెడ్డి ఆమె కోచింగ్ ఫీజులు భరించేందుకు ముందుకొచ్చారు.కార్పోరేట్ సామాజిక బాధ్యత( సి.యస్.ఆర్)కింద ఒక లక్ష రూపాయల ఆర్థిక సహాయాన్ని లావణ్యకు అందించారు.ఈ సందర్భంగా లావణ్యతో వీడియో కాల్ లో అప్పిరెడ్డి మాట్లాడారు బాగా చదవుకుని మంచి ర్యాంక్ తెచ్చుకోవాలని కోరారు,అండగా ఉంటానని భరోసా ఇచ్చారు. ప్రతిభావంతులైన విద్యార్థులు ఉన్నత శిఖరాలు చేరుకోవడానికి తన వంతు సహాయం ఎల్లప్పుడూ చేస్తానని అప్పిరెడ్డి చెప్పారు.ఆ తరువాత లావణ్యతో బిగ్ బాస్ ఫేమ్,హీరో సోహైల్ మాట్లాడారు.ఐఏఎస్ అయ్యి తెలంగాణకు పేరు తేవాలన్నారు. తనకు ఆర్థిక సహాయాన్ని అందజేసి ప్రోత్సహించిన అప్పిరెడ్డికి ఎప్పుడూ రుణపడి ఉంటానని విద్యార్థిని లకావత్ లావణ్య చెప్పారు.ఈ కార్యక్రమంలో  అన్నపురెడ్డి అప్పిరెడ్డి,చక్రధర్,హీరో సోహెల్,శ్రీనివాస్ రెడ్డి,రవి సజ్జల,చరిత్ జూలూరి పాల్గొన్నారు.