*కొంగవాలు కత్తి సినిమా షూటింగ్ సన్నివేశాల్ని క్లాప్ కొట్టి ప్రారంభించిన బిఎస్పీ నేత గుండెపంగు.రమేష్*
కోదాడ అక్టోబర్ 23(జనం సాక్షి)
ప్రముఖ వాగ్గేయకారులు,సినీ గేయ రచయిత మాస్టర్జి నిర్మాణ సారథ్యంలో తెరకెక్కించబోతున్న జనచిత్ర ప్రొడక్షన్ హౌస్ వారి చిత్రం కొంగవాలు కత్తి షూటింగ్ లోని కొన్ని సన్నివేశాలను గురువారం కోదాడ పట్టణంలోని అంబేద్కర్ కాలనీ నందు గల అంబేద్కర్ విగ్రహం ముందు షూటింగ్ సన్నివేశాలను తెరకెక్కించారు.
ఈ సన్నివేశాలకు బీఎస్పీ నియోజకవర్గ నేత గుండెపంగు రమేష్ క్లాప్ కొట్టి ప్రారంభించగా.
చిత్రంలో భాగంగా పట్నం పోషన్నకు విధించిన ఉరిశిక్షను రద్దు చేయాలని కోరుతూ ప్ల కార్డులు పట్టుకొని నిరసన ధర్నా చేసే సన్నివేశాన్ని చిత్రీకరించారు.
ఈ సందర్భంగా గుండెపంగు రమేష్ మాట్లాడుతూ సమాజంలో జరుగుతున్న కొన్ని యదార్థ సంఘటనలను ఆధారం చేసుకొని వాటిని సినిమాల ద్వారాగా ప్రజల ముందుకు తీసుకొని వచ్చి వారిని చైతన్యం పరచాలనే మాస్టర్జి చేస్తున్న ప్రయత్నం ఫలించాలని,ప్రజలు ఇలాంటి చిత్రాలను ఆదరించాలని, యదార్థ సంఘటన ద్వారా ప్రజలను చైతన్య పరిచే సినిమాలు విజయవంతం కావాలని కోరారు.
ఈ కార్యక్రమంలో అసిస్టెంట్ డైరెక్టర్ జి.శాంతకుమారి, కెమెరామెన్ సతీష్ కుమార్, టెక్నీషియన్ శ్రీకాంత్ రెడ్డి,పడిశాల రఘు, నటులు కోల శ్రీనివాస్,అరిమల్ల ప్రశాంత్,మీసాల నాని తదితరులు పాల్గొన్నారు.
Attachments area
