టేకులపల్లి ,సెప్టెంబర్ 7 (జనంసాక్షి): మండలంలోని కొప్పురాయి గ్రామంలో శ్రీ సిద్ధి గణపయ్య మండపంలో బుధవారం మహిళలు కుంకుమ పూజలు ఘనంగా నిర్వహించారు.
ప్రత్యేక పూజలు నిర్వహించారు. కొప్పురాయి వినాయక ఉత్సవ మండలి కమిటీ ఆధ్వర్యంలో బలరాం పూజారి చేత ప్రతిరోజు ఉదయం సాయంత్రం గణపయ్యకు ప్రత్యేక పూజలు అందిస్తూ సాంస్కృతి కార్యక్రమాలు నిర్వహిస్తున్నారు. పూజానంతరం ప్రత్యేక దీపోత్సవం నిర్వహించారు. మహిళలు ప్రత్యేక భక్తి, శ్రద్ధలతో దీపాలు అమర్చి, దీపారాధన గావించారు. ఈ సందర్భంగా పూజారి బలరాం మాట్లాడుతూ లోక కళ్యాణార్థం గ్రామంలో ప్రజలందరికీ విఘ్నాలు తొలగిపోవాలని వినాయకునికి ప్రత్యేక పూజలు అందిస్తున్నామని అన్నారు. ఈ కార్యక్రమంలో కుంకుమ పూజలో వార్డు మెంబర్ జార లక్ష్మి ,బ్యాంకు మిత్ర ఈసాల ఝాన్సీ, జార సమ్మక్క ,పాయం రాధ ,జార నిర్మల, కుంజ నాగలక్ష్మి, మహిళలు అధిక సంఖ్యలో పాల్గొన్నారు.