కూసుమంచి సెప్టెంబర్ 7 (జనం సాక్షి): మండలంలోని నాయకన్ గూడెం గ్రామంలో గత 25 సంవత్సరాలుగా గణేష్ గంగపుత్ర యూత్ ఆధ్వర్యంలో గణేష్ నవరాత్రి ఉత్సవాలు నిర్వహిస్తూ ప్రతి సంవత్సరం అన్నదాన కార్యక్రమాన్ని పెద్ద ఎత్తున నిర్వహిస్తున్నారు. అదే ఒరవడితో ఈ సంవత్సరం కూడా నాయకన్ గూడెం లోని ఉర్లుగొండ బస్టాండ్ సెంటర్ వద్ద బుధవారం రోజున గణేష్ గంగపుత్ర యూత్ ఉత్సవ కమిటీ ఆధ్వర్యంలో దాతల మరియు కమిటీ సభ్యుల సహకారంతో మహా అన్నదాన కార్యక్రమాన్ని నిర్వహించారు ఈ సందర్భంగా కమిటీ చైర్మన్ మారుపెద్ది రాంబాబు మరియు కమిటీ సభ్యులు మాట్లాడుతూ గత 25 సంవత్సరాలుగా గణేష్ ఉత్సవాలకు మరియు అన్నదాన కార్యక్రమానికి సహకరిస్తున్న దాతలకు పేరుపేరునా ధన్యవాదాలు తెలుపుతూ ఆ గణనాథుడు అందరిని చల్లగా చూడాలని భవిష్యత్తులో కూడా‌ దాతల సహకారం మరియు కమిటీ సభ్యుల ఐక్యతో గణేష్ ఉత్సవాలు నిర్వహిస్తామని వారు తెలిపారు. ఈ కార్యక్రమంలో గణేష్ గంగపుత్ర యూత్ నవరాత్రి ఉత్సవ కమిటీ చైర్మన్ మారుపెద్ది రాంబాబు మరియు గణేష్ గంగపుత్ర యూత్ ఉత్సవ కమిటీ సభ్యులు పాల్గొన్నారు.