-జిల్లా అధికారులు,ప్రజలు అప్ర‌మ‌త్తంగా ఉండాలి.
-జిల్లా క‌లెక్ట‌ర్ పి. ఉదయ్ కుమార్.

నాగర్ కర్నూల్ జిల్లా ప్రతినిధి,ఆగష్టు21(జనంసాక్షి):
క‌లెక్ట‌ర్‌ పేరుతో గ‌త కొద్దిరోజులుగా వ‌స్తున్న ఫేక్ మెసేజ్‌ల ప‌ట్ల జిల్లా ఉన్న‌తాధికారులు అప్ర‌మ‌త్తంగా ఉండాల‌ని, జిల్లా క‌లెక్ట‌ర్ పి ఉదయ్ కుమార్ సూచించారు.జిల్లా క‌లెక్ట‌ర్ ప్రొఫైల్ ఫొటోతో, సెల్ నెంబ‌ర్ +234 812 456 2622 నుంచి వాట్సాప్ ద్వారా, పలు ఆదేశాలు, సూచ‌న‌లు వెలువ‌డుతున్నా య‌ని, వీటితో జిల్లా యంత్రాంగానికి ఎటువంటి సంబంధ‌మూ లేద‌ని స్ప‌ష్టం చేశారు.ఈ ఫోన్ నంబర్లు నుంచి వచ్చే ఆదేశాలను ప‌ట్టించుకోవ‌ద్ద‌ని జిల్లా అధికారుల‌కు, సిబ్బందికి, ప్ర‌జ‌ల‌కు సూచించారు.ఇలా ఎవరికైనా మెసేజ్ లు వచ్చినట్లయితే, తమ ఉన్నతాధికారులకు సమాచారాన్ని ఇవ్వాలని కోరారు.