మహబూబాబాద్ బ్యూరో-సెప్టెంబర్19(జనంసాక్షి)

గార్ల మండల ఫొటో వీడియోగ్రాఫర్ అసోసియేషన్ నూతనకమిటిని సోమవారం ఏకగ్రీవంగా ఎన్నుకున్నారు. అసోసియేషన్ అధ్యక్షునిగా అనుగోజు విజయ్ బాబు, ఉపధ్యక్షునిగా అక్కినపల్లి సతీష్, కోశాధికారిగా రావూరి ప్రశాంత్ లను ఎన్నుకోగా వారి సమక్షంలో కమిటీ కొన్ని నూతన నిర్ణయాలను తీసుకున్నారు. మండలంలోని ప్రతీ ఫోటోగ్రాఫర్ జిల్లా ఐడి కార్డు తప్పక పొంది ఉండాలని, కుటుంభ భరోసా ప్రతినెలా విధిగా చెల్లించాలని, అసోసియేషన్ అభివృద్ధి కొరకు తీసుకున్న ప్రతీ నిర్ణయానికి కట్టుబడి ఉండడమే కాక అసోసియేషన్ లోని ప్రతి ఫోటోగ్రాఫర్ ఇంట జరిగే శుభ, అశుభ కార్యక్రమాలకు ప్రతీ ఫోటోగ్రాఫర్ స్పందించి తమవంతు తప్పనిసరిగా సహాయం అందించాలనే అంశాలతో నిర్ణయాలను తీసుకుని ఒప్పందం చేసుకున్నారు. ఈ కార్యక్రమంలో అధ్యక్షులు అనుగోజు విజయ్ బాబు, ఉపాధ్యక్షులు అక్కినపల్లి సతీష్, కోశాధికారి రావూరి ప్రశాంత్, సీనియర్ ఫోటోగ్రాఫర్స్ అనుగోజు జనార్దన్, జంజీరాళ్ల భాస్కర్, బాణోత్ సైదులు, మూడ్ వీరన్న, గుగులోత్ వినోద్, వేముల వెంకటేశ్వర్లు, తాళ్లపల్లి రాజశేఖర్, బి నరేష్, బి శ్రీరామ్, బాసిపంగు ప్రశాంత్ టెకర్లు ఎడ్ల రాజు, షేక్ ఈజస్, రాజేందర్, నరేష్, వేణు, రమేష్, మహేష్, యశ్వంత్ ప్రసాద్, శ్రీకాంత్ తదితరులు పాల్గొన్నారు.