మునగాల, సెప్టెంబర్ 24(జనంసాక్షి): మునగాల మండల పరిధిలోని కలకోవ గ్రామంలో కల్లుగీత కార్మికులకు మంజూరైన 110 మందికి టిఎఫ్టి లైసెన్స్ కార్డులను కల్లు గీత కార్మిక సంఘం నాయకులు అమరగాని వీరభద్రం, కొంపల్లి వీరబాబు పంపిణీ చేశారు. ఈ సందర్భంగా వారు మాట్లాడుతూ, గ్రామంలో ఎక్కువ మంది కల్లు గీత వృత్తిని జీవనం సాగిస్తున్నారు వారికి గతంలో లైసెన్స్ లేక ప్రభుత్వం నుంచి వారికి ఎలాంటి సహాయం అందకపోవడంతో గత మూడు నెలల క్రితం గ్రామంలో ఉన్న అర్హులైన వారికి లైసెన్స్ కార్డులు అందజేయాలని దరఖాస్తు చేసుకోగా వీరిలో అర్హులైన లబ్దిదారులకు లైసెన్స్ కార్డులు మంజూరు కావడంతో వారు సంతోషం వ్యక్తం చేశారు. ఈ కార్యక్రమంలో గ్రామ పెద్దలు గన్నా నర్సింహారావు, చిన్న వెంకన్నగౌడ్, దొంతగాని రవిబాబు గౌడ్, నాగయ్య గౌడ్, టిఆర్ఎస్ పార్టీ నాయకులు చిర్రా శ్రీనివాస్, అనంతుల శీను, పత్తిపాక లక్ష్మీనారాయణ, సుంకర శీను, గుర్వయ్య తదితరులు పాల్గొన్నారు.