కోటగిరి సెప్టెంబర్ 3 జనం సాక్షి:-మండలంలోని ప్రతి ఒక ప్రజా ప్రతినిధి,అధికారులు,ప్రజలతో అత్యంత సన్నిహితంగా విధులు నిర్వహిస్తు, మండలంలోని ఆయా గ్రామంలో నెలకొన్న సమస్యలను అందరి సహకారంతో చాకచక్యంగా పరిష్కరించి మండల ప్రజల మన్ననలు పొందిన కోటగిరి మండల ఎంపిడిఓ అతరుద్దిన్ శనివారం రోజున గుండె పోటుతో మరణించారు.ఆయన మృతి పట్ల కోటగిరి మండల ప్రజాప్రతినిధులు, అధికారులు,ప్రజలు తమ ప్రగాఢ సానుభూతితో పాటుగా,సంతాపాన్ని వ్యక్తం చేశారు.ఆయన అంత్యక్రియలు వారి స్వస్థలం భైంసాలో నిర్వహించగా ఈ అంతక్రియలో బాన్సువాడ నియోజక వర్గ తెరాస పార్టీ ఇంచార్జీ పోచారం సురేందర్ రెడ్డి,మండల అధికారులు,ఎంపిడిఓ

సిబ్బంది,ఆయా గ్రామాల సెక్రటరీలు,సిబ్బంది,ప్రజా ప్రతినిధులు,వివిధ పార్టీలకు చెందిన నాయకులు, తదితరులు పాల్గొన్నారు.