శివ్వంపేట సెప్టెంబర్ 15 జనంసాక్షి : జిల్లా ఆర్థిక ప్రణాళిక సంఘం సభ్యుడు, శివంపేట జడ్పిటిసి పబ్బా మహేష్ గుప్తా గొప్ప మనసున్న మానవతా వాది అని టిఆర్ఎస్ మాజీ మండల పార్టీ అధ్యక్షుడు పిట్ల సత్యనారాయణ పేర్కొన్నారు. మండల పరిధిలోని దొంతి గ్రామానికి చెందిన కంచుగారి యాదిగిరి కూతురు అనారోగ్యంతో బాధపడుతున్న విషయం తెలుసుకున్న జడ్పిటిసి గురువారం బాలిక కుటుంబాన్ని పరామర్శించి  5 వేల రూపాయల ఆర్థిక సాయం అందజేయడం జరిగింది. అదేవిధంగా రెండు నెలలకు సరిపడే మందులను కూడా అందిస్తానని హామీ ఇచ్చారు. ఈ సందర్భంగా పిట్ల సత్యనారాయణ మాట్లాడుతూ సమాజంలో ఎంతోమంది డబ్బున్న వాళ్ళను గొప్ప గొప్ప వాళ్ళని చూస్తుంటాం కానీ ఇలా సేవలు చేసే గుణం ఆ భగవంతుడు కొందరికి మాత్రమే అవకాశం కల్పిస్తాడని ఆయన అన్నారు. ఈ కార్యక్రమంలో నాయకులు కోదాస్ స్వామి, వార్డ్ మెంబర్లు, యువకులు, గ్రామస్తులు తదితరులు పెద్ద సంఖ్యలో పాల్గొన్నారు.