చిట్యాల13( జనం సాక్షి) మండల కేంద్రం, వివిధ గ్రామాల సర్పంచులు గురువారం బిఆర్ఎస్ పార్టీ నాయకులు చింతల రమేష్ ముదిరాజ్ , సర్పంచ్ ల ఆధ్వర్యంలో తెలంగాణ తొలి శాసనసభాపతి ఎమ్మెల్సీ సిరికొండ మధుసూదనా చారి జన్మదిన వేడుకలు అంగరంగ వైభవంగా నిర్వహించారు .ఈ సందర్భంగా పెద్ద ఎత్తున బాణసంచా కాల్చి కేక్ కట్ చేసి ఆస్పత్రిలోని రోగులకు పండ్లు ను బ్రెడ్ ను పంపిణీ చేశారు. ఈ సందర్భంగా రమేష్ ముదిరాజ్ తో పాటు ఆ పార్టీ సీనియర్ నాయకులు కుందూరు భగవాన్ రెడ్డి, సర్పంచ్ల ఫోరం అధ్యక్షుడు కామిడీ రత్నాకర్ రెడ్డి, మాజీ జెడ్పిటిసి కాట్రేవుల సాయిలు, నాయకులు పుల్లూరు సతీష్, కర్రె అశోక్ రెడ్డి, జన్నె యుగేందర్లు మాట్లాడుతూ నియోజకవర్గాన్ని అన్ని విధాలుగా అభివృద్ధి పరిచిన ఘనత సిరికొండ కి దక్కుతుందని,సిరికొండ మదన్న అధికారంలో లేని ఐదు సంవత్సరాల కాలం అత్యంత బాధాకరంగా ఇబ్బందికరంగా సాగుతున్నదని వారన్నారు. మండలంలో ఆయన చేసిన అభివృద్ధి తప్ప ఎలాంటి అభివృద్ధి పనులను ఇక్కడి ప్రజలు నోచుకోవడం లేదని వారు తెలిపారు. ప్రజలంతా మధుసూధనాచారి పాలనే కోరుకుంటున్నారన్నారు ప్రజల కోసం ఆరాటపడుతున్నరన్నారు. అనేక మంది ప్రాణాలను రక్షించడం తో పాటు కార్యకర్తలను నాయకులను కంటికి రెప్పలా కాపాడుకుంటున్న మధుసూదనాచారి వంద వసంతాలను పూర్తి చేసుకుని మరిన్ని ఉన్నతమైన స్థానాలను అధిరోహించి అందరికీ ఆదర్శంగా నిలవాలని వారు కోరారు ఈ కార్యక్రమంలో టిఆర్ఎస్ నాయకులు, వివిధ గ్రామాల సర్పంచులు, ఎంపీటీసీలు తదితరులు పాల్గొన్నారు.