చిట్యాల13( జనం సాక్షి) తెలంగాణ సామాజిక రచయితల సంఘం చిట్యాల మండలం కన్వీనర్ గా మండల కేంద్రం కి చెందిన వర్ధమాన కవి, రచయిత.మాసు రమేష్ ని నియమించినట్లు తెలంగాణ సామాజిక రచయితల సంఘం రాష్ట్ర సహ అధ్యక్షుడు కామిడి సతీష్ రెడ్డి, ప్రధాన కార్యదర్శి రావుల రాజేశంలు తెలిపారు.ఈమేరకు వారికి గురువారం నియామక పత్రం అందజేశారు. అనంతరం ఆయన మాట్లాడుతూ సమాజానికి రచయితలు మార్గదర్శకులు అని,ఒక్కసిరా చుక్క లక్షమెదళ్ళను కదలిస్తూవుందని,రచయితలు,కవులు సామాజిక సమస్యల మీద రచనలు చేసి సమాజ వికాసానికి కృషి చేయాలని అన్నారు.ఇటీవలి కాలంలో రమేష్ అనేక లేఖలు,కవితలు రాసి తనకంటూ గుర్తింపు పొందారు అని, వారి ప్రతిభను గుర్తించి వారిని నియమించినట్లు తెలిపారు.తన నియామకం కి సహకరించిన రాష్ట్ర సహ అధ్యక్షుడు కామిడి సతీష్ రెడ్డి, రావుల రాజేశంకి రమేష్ ధన్యవాదాలు తెలిపారు.జిల్లాలో రచయితల సంఘంను బలోపేతానికి కృషి చేస్తానన్నారు.