మిర్యాలగూడ అక్టోబర్ 2 జనం సాక్షి :
జాతిపిత మహాత్మా గాంధీ 153 వ జయంతి సందర్భంగా ఆదివారం మిర్యాలగూడ పట్టణంలోని సాగర్ రోడ్ లో గల మహాత్మా గాంధీ విగ్రహానికి పూలమాల వేసి ఘన నివాళి అర్పించారు. ఈ సందర్భంగా మిర్యాలగూడ ఎమ్మెల్యే నల్లమోతు భాస్కర్ రావు మాట్లాడుతూ
మహనీయుల ఆశయాల బాటలో ప్రతి ఒక్కరు నడవాలన్నారు.ఈ కార్యక్రమంలో మున్సిపల్ చైర్మన్ తిరు నగర్ భార్గవ్, రైస్ మిల్లర్స్ అసోసియేషన్ అద్యక్షులు గౌరు శ్రీనివాస్, రైస్ మిల్లర్స్ అసోసియేషన్ ప్రధాన కార్యదర్శి బోగవెల్లి వెంకట రమణ చౌదరి(బాబి), కోశాధికారి పైడిమర్రి సురేష్, రేపాల లింగయ్య, అంతయ్య రేపాల మధు మారం శ్రీనివాస్, కోటయ్య యాదవ్, పరమేష్, గుడిపాటి సైదులు బాబు, గౌరవ రైస్ మిల్లర్స్ పాలకవర్గ సభ్యులు తదితరులు పాల్గొన్నారు. మున్సిపల్ కార్యాలయంలో జాతిపిత మహాత్మా గాంధీ 153వ జయంతిని ఘనంగా నిర్వహించారు. ఈ సందర్భంగా మున్సిపల్ చైర్మన్ తిరునగరు భార్గవ్ మహాత్మా గాంధీ చిత్రపటానికి పూలమాలలు వేసి ఘనంగా నివాళి అర్పించారు. ఈ కార్యక్రమంలో ఏఈ ఆసిమ్ బాబా, సానిటరీ ఎస్సై వెంకట్ రమణ, మెప్మా అధికారి బక్కయ్య, అధికార సిబ్బంది, కౌన్సిలర్లు తదితరులు పాల్గొన్నారు. మండల పరిషత్ అభివృద్ధి కార్యాలయంలో మహాత్మా గాంధీ చిత్రపటానికి మాజీ ఎమ్మెల్యే తిప్పన విజయసింహారెడ్డి పూలమాలలు వేసి నివాళులర్పించారు. ఈ కార్యక్రమంలో ఎంపీడీవో గార్లపాటి జ్యోతిలక్ష్మి, కార్యాలయ పర్యవేక్షకులు కర్ణాకర్ రావు ఎంపీవో వీరారెడ్డి, మాజీ ఏఎంసీ చైర్మన్ చిట్టిబాబు నాయక్, పంచాయతీరాజ్ ఏఈ ఆదినారాయణ, అధికార సిబ్బంది తదితరులు పాల్గొన్నారు. మహాత్మా గాంధీ జయంతి పురస్కరించుకొని గాంధీ విగ్రహానికి పూలమాలలేసి ఘనంగా నివాళులు అర్పించారు. ఈ కార్యక్రమంలో తెలంగాణ రాష్ట్ర రైస్ మిల్లర్స్ అసోసియేషన్ అధ్యక్షులు కర్నాటి రమేష్ తదితరులున్నారు. ప్రభుత్వ కార్యాలయాల్లో మహాత్మా గాంధీ జయంతిని ఘనంగా నిర్వహించారు.