పూజలో పాల్గొన్న జడ్పీ చైర్మన్ కోరం దంపతులు

టేకులపల్లి, సెప్టెంబర్ 26( జనం సాక్షి): టేకులపల్లి మండలంలో దేవి శరన్న నవరాత్రి ఉత్సవాలు సోమవారం అత్యంత వైభవంగా ప్రారంభమయ్యాయి. ఈ సందర్భంగా మొదటి రోజు మండలంలోని కోయగూడెం గ్రామంలో, టేకులపల్లి మండల కేంద్రంలోని శ్రీ కోదండ రామాలయం లో అదేవిధంగా కొప్పురాయి, బోడు ,బొమ్మనపల్లి, బేతంపూడి తదితర గ్రామాలలో దేవీ నవరాత్రుల సందర్భంగా మొదటి రోజున ఆదిలక్ష్మి అవతారంగా ముస్తాబు చేసి భక్తులకు దర్శనమిచ్చారు. కోయగూడెం గ్రామంలో దేవి నవరాత్రు ఉత్సవాల్లో భద్రాద్రి కొత్తగూడెం జిల్లా పరిషత్ చైర్మన్ కోరం కనకయ్య, లక్ష్మి దంపతులు పూజా కార్యక్రమంలో పాల్గొన్నారు. టేకులపల్లి కోదండ రామాలయంలో శ్రీ కనకదుర్గాదేవి నవరాత్రి పూజా కార్యక్రమాలు వేదమంత్రాలతో ఆచార్యులు శ్రీరంగం అజయ్ సాయి చక్రి తో అమ్మవారి మొదటిరోజు శ్రీ స్వర్ణ కవచలం కృత దుర్గాదేవి అవతార పూజా కార్యక్రమంలో గోలియా తండ ,టేకులపల్లి గ్రామపంచాయతీల సర్పంచులు బోడ నిరోషా మంగీలాల్ నాయక్ ,బోడ సరిత ,వార్డు మెంబర్స్ వెంకన్న ,నోముల భానుచందర్ ,విగ్రహ దాత దేవసాని మురళి సింధూరం ,గ్రామ పెద్దలు గుడిపూడి మోహన్ రావు ,అంబాల బాలయ్య, మాన్సింగ్ ,చంద్రమౌళి తదితరులు పాల్గొన్నారు.