గరిడేపల్లి, సెప్టెంబర్ 27 (జనం సాక్షి): మండల పరిధిలోని గడ్డిపల్లి గ్రామంలో భారత ప్రజాతంత్ర యువజన సమాఖ్య డివైఎఫ్ఐ ఆధ్వర్యంలో భగత్ సింగ్ జయంతి వేడుకలను ఆ సంఘం జిల్లా ఉపాధ్యక్షుడు కొలిపాక  వంశీకృష్ణ ఆధ్వర్యంలో ఘనంగా నిర్వహించారు. ఈ సందర్బంగా ఆయన మాట్లాడుతూ చిరు ప్రాయంలోనే దేశంకోసం తన ప్రాణాలను త్యాగం చేసిన వీరుడు భగత్ సింగ్ అని నాటి బ్రిటిష్ సామ్రాజ్యంపై పోరాటం చేసిన భగత్ సింగ్ స్పూర్తితో నేటి మనువాదానికి వ్యతిరేకంగా యువత పోరాడాల్సిన అవసరం ఎంతైనా ఉందని అన్నారు. భగత్ సింగ్ గురించి ఆయన వ్యక్తిత్వం గురించి తెలియాలంటే ఆయన లాహోర్ జైలులో రాసిన వై ఐ అమ్ యాన్ ఎథిస్ట్ పుస్తకం చదవాలని అన్నారు. అనంతరం భగత్ సింగ్ చిత్రపటానికి పూలమాల వేసి నివాళులు అర్పించారు. ఈ కార్యక్రమంలో ఆ సంఘ మండల అధ్యక్షుడు గజ్జల సతీష్, ఉపాధ్యక్షుడు అబ్బగాని శ్రీకాంత్, నాయకులు శివ, గణేష్ తదితరులు పాల్గొన్నారు.